Анисия Игнатьева – Чӑваш наци конгресӗн 11-мӗш Аслӑ Пухӑвӗн делегачĕ

2021-мĕш çулхи юпа уйăхĕн 23-мĕшĕнче Чӑваш патшалӑх академи драма театрӗнче Чӑваш наци конгресӗн 11-мӗш Аслӑ Пухӑвӗ уҫӑлчӗ. Унӑн ӗҫне ЧР Пуҫлӑхӗ Олег Николаев, регионсенчен килнӗ йӑхташӑмӑрсем, чӑвашлӑха аталантарассишӗн тӑрӑшакан хастарсем хутшӑнаҫҫӗ. Делегатсен шутĕнче – Анисия Павловна Игнатьева, Шупашкарăн 12-мĕш шкулĕнче кăна 33 çул пĕр улшăнмасăр (пĕтĕмĕшле педагогика стажĕ – 36 çул) чăваш чĕлхи вĕрентекен, Чăваш Республикин тава тивĕçлĕ учителĕ.

Аслă Пухура конгресӑн юлашки вӑхӑтри ӗҫ-хӗлне тишкерсе хак пачĕç, малашлӑх тӗллевӗсене палӑртрĕç. Аслӑ форумра ЧНК Мӑн Канашне суйларӗҫ, çак ĕçре вăй хума Анисия Игнатьева та тивĕçрĕ.