12-мĕш шкул ачисем Ара Мишши çыравçăпа тĕл пулчĕç

Шупашкар хулин 12-мĕш шкулĕнче эрне хушши Пĕтĕм тĕнчери тăван чĕлхе кунне халалланă уçă уроксем иртрĕç. 2024-мĕш çулхи нарăс уйăхĕн 22-мĕшĕнче 5-мĕш Б класра Чăваш Республикин тава тивĕçлĕ учителĕ Игнатьева Анисия Павловна ирттернĕ уçă урок ачасемшĕн уйрăмах асра юлĕ. Урокра ачасем Михаил Николаевич Краснов çыравçăпа (литературăри псевдонимĕ – Ара Мишши) куçа куçăн тĕл пулчĕç. Урок Г.Н. Волков академик ячĕллĕ шкул музейĕнче иртрĕ. Куравра Ара Мишшин чăваш кĕнеке издательствинче кун çути курнă «Çамрăк юлан утçă (2015), «Пĕрремĕш утăмсем. Первые ступеньки» (2017), «Пиллĕкмĕш чĕрĕк. Пятая четверть» (2018), «Сеятель духовности» (2018), «Тăвалла çул» (2021) кăларăмсем, хаçат-журналта пичетленнĕ ĕçсем пулчĕç.

Тĕлпулу урокĕ кăсăклă иртрĕ. Калаçу паянхи куншăн уйрăмах пĕлтерĕшлĕ ыйтусем тавра пулчĕ: атте-аннене, Тăван çĕршыва хисеплесси, тăван чĕлхепе калаçасси, чăваш чĕлхине шкулта тăрăшса вĕренесси, чăвашла тухнă кĕнекесене алла илсе вуласси, шкул пĕтерсен кăмăла каякан професси суйласа илесси, т. ыт. те. Ара Мишши урок вĕçĕнче ачасене çывхарса килекен Тăван çĕршыв хÿтĕлевçисен кунĕ ячĕпе саламларĕ, чи хастаррисене хăйĕн кĕнекисене парнелерĕ.

В рамках реализации Всероссийского проекта «Открытый урок – Международный день родного языка» на базе школьного музея «Музейный уголок им. академика РАО Волкова Г.Н.» МБОУ «СОШ №12» г. Чебоксары 22 февраля 2024 года в 5 Б классе состоялся открытый урок чувашского языка (учитель: Игнатьева Анисия Павловна) с участием детского писателя Краснова Михаила Николаевича (Ара Мишши). Урок прошел под девизом «Мой язык – мой народ» с целью сохранения и развития интереса обучающихся к изучению чувашского языка и культуры чувашского народа.